A crise urbanística arrastra ao goberno de Nigrán á ruptura

A voz de Galicia – Os socios do alcalde non admiten recualificacións arbitrarias de chan e asumen a protesta veciñalOs independentes dan de prazo ao alcalde, do PP, ata o venres para que presente a dimisión.

Reaccións: A oposición pide partir de cero
Os independentes: Avelino Fernández : «Non imos aceptar ningunha responsabilidade neste plan»

A polémica urbanística fai brincar polo aire o goberno de Nigrán. A noticia das recualificacións que ían beneficiar a tres directivos do Celta terminou provocando unha fractura entre os dous partidos que gobernan no municipio: o PP e o Partido Independente de Nigrán (PINN).

A polémica urbanística fai brincar polo aire o goberno de Nigrán. A noticia das recualificacións que ían beneficiar a tres directivos do Celta terminou provocando unha fractura entre os dous partidos que gobernan no municipio: o PP e o Partido Independente de Nigrán (PINN).

O portavoz dos independentes, Avelino Fernández , asegurou onte que non vai asumir ningunha responsabilidade pola polémica compra de máis de 123.000 metros cadrados que ían converterse en edificables co novo Plan Xeral. Pareceulle de «extrema gravidade» que alguén goce de información privilexiada á hora de comprar parcelas durante a tramitación do documento.

A executiva dos independentes celebrou onte á noite unha reunión para valorar a crise institucional do Concello de Nigrán e hoxe previsiblemente dará a coñecer os seus acordos, dos que unicamente transcendeu que dará un ultimato ao alcalde, Alfredo Rodríguez Milleiros, do PP, e ao concelleiro de Urbanismo, Carlos Quintas, do propio grupo independente, para que presenten a dimisión. Danlles de prazo ata o venres. Se non o fan, o PINN formalizará a ruptura do pacto de goberno.

De confirmarse a ruptura, xunto ao independente Avelino Fernández marcharase da coalición o primeiro tenente de alcalde, Antonio Fernández Comesaña. Polo momento descoñece
se

que postura adoptará o tamén concelleiro do PINN José Rial, que se converteu, coa rodaxe da coalición de goberno, nun estreito colaborador do alcalde, ao que podería seguir apoiando nestes momentos. Pola súa banda, o delegado de Urbanismo defende o Plan Xeral, do que sempre asegurou que era «un traballo tecnicamente perfecto».

A división nas filas do PP é así mesmo patente. O rexedor non conta co apoio das dúas concelleiras que se negaron a celebrar o pleno da aprobación inicial do Plan Xeral de Ordenación Municipal tras a violenta reacción dos veciños do municipio.

Minoría

Alfredo Rodríguez non ten garantida a maioría no salón de plenos, unha situación que podería paralizar a vida municipal e obrigarlle a presentar a súa dimisión para dar paso á elección dun novo alcalde que conte co apoio da corporación.

O Partido Popular, polo momento, continúa prestando o seu respaldo ao rexedor nigranés, pero se o mantén como candidato nas próximas eleccións municipais podería incrementar as fisuras dentro da agrupación e favorecer a creación dunha segunda lista independente en Nigrán.

A polémica tramitación do Plan Xeral abriu unha crise política no Concello, de consecuencias impredicibles e a falta aínda dun ano para as próximas eleccións municipais.

Anúncios

0 Responses to “A crise urbanística arrastra ao goberno de Nigrán á ruptura”



  1. Deixe um Comentário

Deixe uma Resposta

Please log in using one of these methods to post your comment:

Logótipo da WordPress.com

Está a comentar usando a sua conta WordPress.com Terminar Sessão / Alterar )

Imagem do Twitter

Está a comentar usando a sua conta Twitter Terminar Sessão / Alterar )

Facebook photo

Está a comentar usando a sua conta Facebook Terminar Sessão / Alterar )

Google+ photo

Está a comentar usando a sua conta Google+ Terminar Sessão / Alterar )

Connecting to %s





%d bloggers like this: