SÁBADO 24 MARZO ÁS 19,00 H. no COLEXIO H. JUANES (VILAMEÁN)

Este, que será o quinto e derradeiro día destas Xornadas de Urbanismo, estará dedicado ó Plan Xeral de Nigrán, e consistirá nunha mesa redonda da que formarán parte os seguintes convidados:

Manuel V. Sola
Licenciado en Ciencias Económicas e Empresariais, é actualmente xornalista de economía de El País. En 2006 publicou unha serie de sete reportaxes sobre o urbanismo na costa galega.

Mauricio Ruíz Ceniceros
Asesor xurídico da Comisión de Planeamento e de Medio Ambiente do Colexio Oficial de Arquitectos de Vigo.

Juán Hermida Lago
Representante e voceiro do movemento veciñal de Nigrán.

Eulogio Abeleira
Delineante superior proyectista. Foi decano do colexio de Delineantes. Pertenceu ó consello de Delieantes de Galicia. Actualmente é secretario da AVV “grupo opinión” de A Guarda.

Os colectivos organizadores das Xornadas de Urbanismo de Nigrán queremos agradecer a gran acollida dispensada a estes actos e a animada e activa participación nos coloquios e debates, proba do interese e preocupación que estes temas espertan na cidadanía.

Este XOVES 22 MARZO ÁS 20,00 no COLEXIO H. JUANES (VILAMEÁN) celebrarase a cuarta Xornada que contará coa presencia do arquitecto Pedro de Llano Cabado que versará a súa intervención sobre:  Galicia: A ruptura dunha cultura do territorio.

Cando non hai máis de medio século Galicia contaba cunha paisaxe homoxénea e respectada, comezou un camiño de crecente e tolerada destrución. Desde entón, a evolución da nosa arquitectura do territorio viviu un caótico proceso destrutivo marcado por unha groseira actitude especulativa, controlado só por unhas inoperantes e conservadoras leis e documentos urbanísticos.
Resulta, pois, imprescindible poñer en crise ese marco legal e repensar o futuro da nosa realidade espacial introducindo unha nova visión da organización do territorio galego, considerado no seu conxunto, que nos permita elaborar modelos conceptuais de intervención que posibiliten o seu desenvolvemento, ao tempo que salvagardan a súa particular personalidade.

Pedro de Llano Cabado

Arquitecto en exercicio e profesor na ETS de Arquitectura da Coruña. Colabora en revistas de arquitectura e noutras como Luzes de Galicia, Grial ou Tempos Novos. É autor de obras como “Arquitectura Popular en Galicia. Razón e construción” e outras sobre Álvaro Siza, Alejandro de la Sota, Le Corbusier ou Carlos Maside, así como sobre arquitectura holandesa ou sobre o Piornedo.
Por algunhas destas obras fóronlle concedidos premios como o da Crítica Galicia de Ensaio, o da Crítica Galicia de Ciencias e Artes da Comunicación ou o VII Premio do COAG. 

O sábado 17 marzo ás 7 da tarde no colexio H. Juanes Vilameán, terá lugar o terceiro acto das Xornadas de Urbanismo de Nigrán có tema A ordenación do territorio. Os espazos naturais e o patrimonio.

 As xornadas de urbanismo de Nigrán continúan co seu programa este sábado contado coa intervención de Adela Figueroa, Fernando Lauerta, Xabier Groba e Xose Lois Vilar.

O éxito de participación nas anteriores xornadas, cun salón de actos cheo con preto de 150 persoas é un logro de participación para un acto cidadá como as xornadas.

As tertulias xeras ao redor da temática da xornada, está sendo moi ben acollido polos veciños e veciñas do Val Miñor que se achegan ata o colexio de Vilameán para escoitar outros puntos de vista sobre a xestión do urbanismo no municipio.

Os colectivos organizadores estamos seguros que esta nova xornada será aínda máis atractiva para o público participante xa que darán mostra da riqueza patrimonial, natural, cultural e paixaxística do Val Miñor, e os perigos que padece ou pode padecer por culpa dunha mala xestión do urbanismo.

Adela Figueroa Panisse
Catedrática en Bioloxía e Xeoloxía, é presidenta da Asociación para a Defensa Ecolóxica de Galiza (ADEGA), complementa a súa actividade docente coa participación activa en numerosas institucións ecoloxístas e pedagóxicas como UNICEF, ISSOL ou o Colexio Oficial de Biólogos de Galiza.

SINOPSE
Concepto e valor da Biodiversidade. Concepto e valor da Paisaxe
A necesidade da ordenación do territorio nuha sociedade en mudanza como a galega. A necesidade da protección ambiental en xeral e en particular en Galiza.
As figuras de protección. Percepción da sociedade acerca da preservación do territorio. Actuacións de custodia do territorio.

Fernando Lahuerta Mouriño
Biológo e director da sección de medio Ambiente do Instituto de Estudos Miñoranos. Residente en Nigrán, ten publicado numeros artigos e estudos referentes a sedimentación, vexetación e fauna do esteiro da Foz (Ramallosa). Ten participado en numerosas conferencias sobre productividade e contaminación das rías galegas, ou a proteción e xestión dos montes galegos.

SINOPSE
Situación dos espazos naturais no Val Miñor . Os perigo dun crecemento urbanístico non controlado (contaminación, invasión de humidais, a construcción nas contornas fluviais)

Xabier Groba González
Presidente do Clube Espeleolóxico Mauxo. Ten publicado numerosos libros sobre as covas e petroglifos na contorna Miñorán e area metropolitana de Vigo.

SINOPSE
O Campo de Golf en Chandebrito. As súas consecuencias.

Xosé Lois Vilar Pedreira
Baiona 1965, Licenciado en Xeografía e Historia, director da sección de Arqueoloxía e Prehistoria do Instituto de Estudos Miñoranos e membro da Asociación Galega de Onomástica.
Ten realizado excavacións e estudos no Val Miñor (Chan do Cereixo, Panxón,…), e na súa contorna como Toralla, Esposende, As Neves, …con dedicación especial a arte rupestre no noso país.
Realizou con Roberto Rodríguez Álvarez a recollida da toponimia costeria dende o Rio Miño ata a Praia de Patos.
Actualmente está realizando en colaboración con Carlos Méixome, un estudo sobre a represión franquista no val Miñor dende 1931 a 1939.

SINOPSE
Unha ollada ao patrimonio, sobre todo moble, no Val Miñor, sen esquecer unha cita do patrimonio intanxible facendo unha análise da importancia no plano miñorano galego e universal. Unha comparativa ao desenvolvemento do Val Miñor e a atención ao patrimonio facendo un repaso as principais iniciativas sobre a temática.
Necesidades do Val Miñor para a explotación do seu patrimonio cultural (musealización, actividade cultural,…)

O sábado 10 marzo ás 7 da tarde no colexio público H. Juanes de Vilameán (Nigrán) xornada sobre os “Aspectos legais da xestión do solo” co abogado Lisardo Núñez Pardo Vera.

Lisardo Núñez Pardo de Vera é Licenciado en Dereito pola Universidade de Santiago. Realizou cursos de Técnico Inmobiliario; de Dereito Internacional Humanitario; de Aspectos Urbanísticos do Turismo. Participou en Xornadas de Cultura Europea, de Investigación e Innovación Educativa, e na Semana de Medio Ambiente da Universidade de Santiago.
Dicta varios cursos sobre a Lei de Protección de Datos e realiza traballos de xestión do solo.

A súa intervención vai versar sobre: Normativa aplicable nas xestión do solo; Lexislación en materia de planeamento (Plans Xerais, Plans Parciais, Plans Especiais); e sobre Sistemas de execución do planeamento.

Dado o enorme interese desta temática, as entidades organizadoras animan á veciñanza de Nigrán a acudir a escoitar esta charla e a participar activamente no coloquio que a continuación se realizará co conferenciante.

É esta a segunda sesión destas Xornadas de Urbanismo de Nigrán que, con gran éxito de contidos e de participación, deron comezo o pasado sábado.

Documento da intervención de Lisardo Núñez

Sábado 3 de marzo ás 7 da tarde xornada con Xose Manuel Souto González
Nigrán no Val Miñor e nas perspectivas económicas da área metropolitana de Vigo.

Na súa intervención, Xose Manuel Souto fará un estudo histórico de Nigrán no conxunto do Val Miñor para explicar cómo se constrúe a identidade local nun mundo globalizado. As transformacións recentes poden rachar cos símbolos que identifican un territorio e, polo mesmo, quedar nunha situación de febleza nun mundo que se move na teoría do marketing territorial. Así cobra protagonismo a construción do espazo público e o mantemento do ambiente ecolóxico.

Contido da charla:

1. Características do Val Miñor como comarca que se move entre as transformacións rurais e as innovación urbanas.
2. Estrutura económica de Nigrán no conxunto económico da área metropolitana de Vigo.
3. Características ambientais do Val Miñor
4. Evolución da construción e das actividades da poboación en Nigrán e área de Vigo.
5. Perspectivas económicas para o crecemento económico e para a construción do espazo público

Xose Manuel Souto González 

Participou na redacción de paneis de ordenación municipal en concellos de Galicia e en paneis estratéxicos (Vigo, Eixo Atlántico.)
Participou en debates da Universidade de Verán de Europa, en coloquios sobre Cultura galega, nos Congresos da Unión Xeográfica Internacional e nos que organiza a Asociación de Xeógrafos Españoles, presentando diversas ponencias.

As súas publicacións céntranse na difusión da cultura territorial de Galicia: Vigo: cen anos de historia urbana; Val Miñor : entre as transformacións rurais e as innovacións urbanas e na didáctica da xeografía e da creación dun espazo público educativo.

Maís información sobre Xose Manuel Souto http://www.ub.es/geocrit/souto.htm

Varias asociacións e colectivos do Val Miñor, organizamos as primeiras Xornadas de Urbanismo de Nigrán co obxetivo de que o veciños e veciñas da comarca continúen o debate necesario sobre o seu futuro; debate que comezou hai xa algún tempo e que nesta altura queremos avivar.

As xornadas celebraranse todos os sábados do mes de Marzo ás 19:00h, a máis dunha charla o xoves 22 ás 20:00h co arquitecto Pedro de Llano.

Dado que o concello de Nigrán non dispón de ningún auditorio nin sala pública para a realización das xornadas, as charlas celebraranse nunha aula do colexio público H. Juanes de Vilameán (Nigrán). Así mesmo porque para este lugar e o seu contorno lle tiñan reservado un destino que o pobo de Nigrán non aceptou nin vai aceptar nunca: xa que este é un terreo de dominio público que non pode entrar como moeda de cambio en ningún “cambalache” inmobiliario para beneficio particular. Non o consentiremos.

Cando falamos de urbanismo, falamos de como os habitantes de Nigrán queremos organizar o noso territorio, en función dunhas perspectivas de desenvolvemento socioeconómico, dunhas previsións de crecemento da poboación, e respectando sempre os intereses das persoas que aquí vivimos ou que aquí veñan a vivir. Queremos que as xeracións máis novas continúen vivindo aquí, e que non se vexan obrigadas a emigrar porque os pisos e casas sexan de acceso economicamente imposible para a nosa xente.

Pensamos que este é o criterio a ter en conta cando falemos de planeamento: o respecto pola dignidade e pola identidade das nosas parroquias, o respecto polo noso patrimonio natural e polo noso patrimonio histórico e cultural.

Calquera estudo arquitectónico ou urbanístico – o deseño dun novo Plan Xeral de Ordeación Municipal para Nigrán – deberá antepoñer o interese xeral ao interese particular, o interese da maioría dos veciños e das veciños de Nigrán fronte a intereses especulativos ou de enriquecemento rápido de catro “espabilados”.

Para axudarnos a pensar e a tomar decisións traemos a estas xornadas a profesionais no campo da arquitectura, dereito, historia, economía e medio ambiente; para que nos expoñan as súas ideas sobre un urbanismo harmónico e saudable, que facilite e faga máis e agradable a nosa vida.

O planeamento de Nigrán deberá ser elaborado por todas e por todos nun proceso democrático e transparente. Sirvan estas Xornadas como elemento de reflexión por un Nigrán mellor, nun Val Miñor máis acolledor e saudable.

Organizan e patrocinan.
A.VV A Irmandade de Priegue
A. VV Dunas de Nigrán
Clube Espeleolóxico Maúxo
Instituto de Estudos Miñoranos
Plataforma Nunca Máis Val Miñor
Plataforma ecoloxista Salvemos Monteferro
Portal de información Valminor.info

La Voz de Galicia - En cinco anos a poboación aumentou un 11% mentres a oferta de vivendas facíao un 23%. Soamente Baiona líbrase dos escándalos urbanísticos que salpican a súa contorna

• Os concellos debuxan un área de Vigo con 860.000 residentes
• O PP inclínase por que o alcalde de Gondomar opte á reelección en maio
• Os promotores recoñecen que os convenios son «focos de corrupción»

Na comarca dos escándalos urbanísticos, as vivendas reprodúcense o dobre de rápido que as persoas. Dino os datos do Colexio de Arquitectos de Galicia e dos municipios de Nigrán, Gondomar e Baiona, que revelan que entre o ano 2000 e o 2005 os tres municipios do Val Miñor incrementaron un 11% o seu censo e un 23% o seu parque de vivendas.

Mentres o número de residentes pasaba de 37.055 a 41.487 (4.432 máis), a oferta de pisos disparábase desde os 20.207 que había no ano 2000 aos 24.926 cos que contaban os tres municipios cando o calendario chegou ao 2006. Todo grazas á frenética actividade do sector da construción do Val Miñor, que foi capaz de levantar máis de 4.700 vivendas nunha zona cuxa poboación crece menos dun 2% ao ano.

Pero para as construtoras non foi a demografía o maior obstáculo, senón a infinidade de balbordos urbanísticos que sobresaltaron á comarca nos últimos anos. Ao que fai uns meses afundiu o plan xeral de Nigrán e, con el, ao alcalde Alfredo Rodríguez (PP) seguiu o que ten en xaque ao goberno de Carlos Silva (PP), tras o suposto cobro de comisións a construtores por parte de dous dos seus concelleiros.

Non é este o primeiro episodio turbio que vive Gondomar en relación co seu urbanismo. En realidade, esta localidade de case 13.000 veciños situada a escasos vinte minutos de Vigo leva anos encharcada en litixios relacionados coa promoción inmobiliaria. O máis grave deles deixou ao municipio sen plan xeral. Foi no 2001, como consecuencia dunha sentenza do Tribunal Superior de Xustiza de Galicia, ratificada polo Supremo no 2005. Desde entón todo foron problemas, que non impediron ao municipio incrementar un 25% o seu parque de vivendas. ás 4.482 que tiña sumáronse nun lustro máis de 1.100.

A pesar de todo, houbo quen os superou. Non hai que ir moi lonxe para atopar exemplos, porque nos outros dous municipios da comarca a febre edificadora foi ata máis virulenta que en Gondomar. O caso máis reseñable é sen dúbida o de Baiona. A pesar de que é de momento o único concello de Val Miñor que non ten a parte do seu goberno actual ante un tribunal, a localidade loce un mercado inmobiliario preñado de contradicións.

Nel, a sobreoferta de pisos -1.936 novos en cinco anos- non basta para frear o desbocado prezo do metro cadrado de fogar, e apenas queda reflectida no crecemento demográfico dun municipio turístico que atraeu a un milleiro de novos veciños nun lustro.

As fortunas do fútbol

E mentres en Baiona a mancha de ladrillo crecía un 30%, Nigrán convertíase no paraíso dos investidores inmobiliarios. Polo territorio de Alfredo Rodríguez, ex director xeneral do Celta e actual alcalde, merodearon nos últimos meses ilustres directivos de clubs como o propio equipo vigués e o Real Madrid, á caza de terreos que un futuro plan xeral ía converter en ouro. A reordenación urbanística frustrouse o pasado ano despois de que os veciños atacasen a casa consistorial de Nigrán, pero no tempo no que se redactaba o plan as construtoras edificaron e venderon no municipio 1.676 pisos.

A policía local de Nigrán, tentou impedir a machar da comparsa “o pelotazo” en Nigrán.
O entroido, como festa da sátira e da crítica que son, non deixou este fin de semán atrás o tema candente do urbanismo. Tanto en Nigrán como en Gondomar comparsas e veciños disfrazáronse seguindo a temática de actualidade na comrca nos útlimos meses, repartindo fotocopias de billetes  entre os presentas.Uns trinta veciños de Nigrán e Priegue xuntáronse a tarde do sábado nunha comparsa independente fora de concurso, satirizando o urbanismo en Nigrán. A comparsa “O pelotazo” saiu ás 16:00 horas do recinto das Angustiás de Nigrán desfilando ate o concello para logo seguir a sua marcha ata as pistas de Gaifar en Panxón.Ataviados de caixas de carton simbolizando unha urbanización de edificios e con caretas con fotografías da actual equipo de goberno.

El líder del Partido Independiente de Nigrán (PINN), Avelino Fernández, encabezará de nuevo la lista de la formación para las elecciones municipales del 27 de mayo.

El líder del Partido Independiente de Nigrán (PINN), Avelino Fernández, encabezará de nuevo la lista de la formación para las elecciones municipales del 27 de mayo. Fernández anunció su candidatura con el fin de zanjar las especulaciones sobre sus dificultades para reunir a 17 personas dispuestas a acompañarle en la campaña y sobre la petición del alcalde para que abandonase la política con el objetivo de unir al centro-derecha del municipio.
Avelino Fernández asegura que “habrá sorpresas” en su lista con gente “muy preparada” y recuerda que ha logrado cinco concejales en su peor resultado.
Plan Xeral por decreto
El independiente no sólo afirma que continuará en la política, sino que pide al alcalde, Alfredo Rodríguez, que contrate la redacción de un nuevo Plan Xeral de Ordenación Municipal por decreto. En este sentido, advierte de que el retraso en la elaboración de un nuevo documento coincidirá con una nueva ley estatal del suelo, que “será mucho más restrictiva y frustrará las expectativas que ha creado el PSOE en las parroquias

A comunidade incrementou a súa poboación en 35.000 persoas desde 2000 ·· No mesmo periodo concedéronse licenzas para edificar unhas 204.000 vivendas ·· As áreas metropolitanas dispáranse, mentres que as cidades permanecen máis ou menos estables.

En Galicia o ritmo do ladrillo avanza moito máis rápido que o da demografía. Nos últimos seis anos a poboación da comunidade incrementouse en pouco máis de 35.000 persoas. Con todo, segundo os datos do Colexio de Arquitectos concedéronse licenzas para levantar unhas 204.000 vivendas. É dicir, por cada habitante que gañou a comunidade proliferaron 5,7 casas.

Os últimos datos publicados polo Instituto Nacional de Estatística (INE) volven poñer sobre a mesa o escaso despunte da poboación galega. Entre o ano 2000 e o 2006, o crecemento demográfico supuxo tan só un 1,3%. O padrón municipal segue tamén evidenciando o despoboamento das provincias do interior fronte ás da costa. A Coruña e Pontevedra gañaron 20.722 e 30.496 habitantes, respectivamente. Con todo, Lugo perdeu 9.024 persoas (un 2,4%) e Ourense, 6.570 (o 1,9%).

Desde o ano 2000, a media anual de incremento demográfico na comunidade foi dunhas cinco mil persoas. Mentres que o promedio de vivendas construídas chegou ás 34.000. A opción de comprar unha segunda residencia en Galicia está calando cada vez máis entre os procedentes doutras autonomías españolas, sobre todo en zonas como A Mariña ou a Costa dá Morte. Pero movementos como a Plataforma por unha Vivenda Digna calculan que a metade dos novos pisos quédanse baleiros, xa que só foron adquiridos para especular.

Nos arredores

Os datos do padrón municipal evidencian tamén outro comportamento demográfico moi relacionado coa vivenda. As áreas metropolitanas non paran de crecer, mentres que as grandes cidades permanecen máis ou menos estables ou con pequenas subidas relativas de poboación. Debido ao desorbitado encarecimiento dos pisos nos centros urbanos, son moitos os cidadáns que non teñen máis alternativa que instalarse nos arredores.